Луѓето на кои им треба аларм за будење се поуморни од оние кои се будат без аларм, покажа американско истражување на 450 канцелариски работници.
За време на студијата, научниците ја мереле нивната должина на спиење и отчукувањата на срцето со помош на преносливи уреди.
57 отсто од нив се разбудиле со помош на аларм и, по правило, биле повеќе поспани од оние кои се разбудиле природно затоа што алармот им го нарушил природниот циклус на спиење, објавија научниците од Универзитетот Нотр Дам во Индијана, пренесува „Independent“.
Спротивно на тоа, луѓето кои природно се разбудиле спиеле подолго и пиеле помалку кофеин во текот на денот. Тие исто така се чувствуваа помалку уморни во текот на денот
Кога природно се будиме, велат научниците, телото го активира „одговорот на стрес“ непосредно пред да се разбуди за да не подготви за тоа и да не разбуди.
Но, будењето со звукот на алармот го надминува тој природен одговор и го нарушува циклусот на спиење.
Таканаречените ноќни птици најмногу го користеле алармот и најмногу биле погодени од заморот, се вели во студијата објавена во списанието „Sleep“.
Што е со оние кои го одложуваат будењето уште пет или десет минути по првиот аларм?
Со утринскиот аларм прво треба да помислите дека е време за станување, а не дека треба да спиете подолго, бидејќи недостатокот на сон нема да го решиме со одложување на алармот.
Циклусот на спиење е состојба која обновува, попозната како РЕМ, и тоа е периодот во кој сонуваме. Петте или 15-те минути сон што ги добиваме по одложувањето на алармот дефинитивно не е тоа, бидејќи во тој период нема да го извлечеме најдоброто од процесот на спиење.
„Одложувањето на алармот не игра улога“, напиша професорот од Нотр Дам, Арон Стригел во списанието „Sleep“.
„Целта на ова истражување беше делумно желбата да се демистифицира што се случува во такви случаи“, напиша тој.
Тој додаде дека од нивните податоци може да се заклучи дека будењето со помош на аларм веднаш или користењето на опцијата за одложување на будењето, со два или три аларми, не прави никаква разлика.
„Проблематично е ако ви треба аларм бидејќи во тој случај сте хронично ненаспани“, рече професорот.
