Среда кога се одбележува Денот на македонската револуционерна борба (23 октомври) е неработен ден за сите граѓани.
До крајот на годината, согласно Законот за празниците на Република Македонија остануваат уште неколку неработни денови.
Потоа следува и празнувањето на Св. Климент Охридски на 8 декември (недела), односно неработен ден ќе биде 9 декември (понеделник).
За граѓаните од католичка вероисповед неработен ден ќе биде 1 ноември (петок), Празникот на сите светци, како и 25 декември (среда), првиот ден на Божиќ.
Во меѓувреме, за граѓаните припадници на албанската заедница неработен ден ќе биде 22 ноември (петок), Ден на албанската азбука. Исто така, за граѓаните припадници на турската заедница неработен ден ќе биде 21 декември (сабота), Ден на настава на турски јазик.
