Холандија ќе го ограничи издавањето дозволи за баратели на азил на максимум три години и ќе воведе гранични контроли следниот месец како дел од пошироката борба против миграцијата на барателите на азил, изјави денеска холандскиот премиер Дик Шуф.
По примерот на Германија, Холандија од ноември воведува гранични контроли како дел од поширокиот план за борба против илегалната миграција и намалување на бројот на баратели на азил.
Освен што се укинуваат дозволите за престој на неодредено откако лицето ќе се регистрира како барател на азил, владата исто така ќе го укине повластеното сметување за оние баратели на азил на кои им е дозволено да останат. Наместо тоа, тие ќе имаат на располагање заеднички станбени единици, што ќе ја ограничи нивната способност да се обединат со остатокот од семејството.
По истекот на три години, дозволите за престој повторно ќе се разгледуваат за да се одлучи на кого ќе му биде продолжен престојот, а кој ќе мора да ја напушти земјата.
Шуф рече дека не може да каже каков ефект ќе имаат мерките сега, но е решен да ги спроведе поради неговото ветување на гласачите дека ќе ја запре илегалната миграција.
Извор: „Индекс“
