Во сите земји во светот полицијата игра клучна улога во одржувањето на јавниот ред и безбедноста на граѓаните. Со цел да се поддржи оваа суштинска активност, европските влади секоја година издвојуваат значителни средства.
Во 2022 година, јавната потрошувачка за редот и законот во Европската унија изнесуваше 1,7 отсто од БДП. Врз основа на проценките од калкулаторот за плати на официјалната статистичка служба на ЕУ, Евростат, Euronews Next ги анализираше платите на полицајците во ЕУ и Велика Британија и дојде до заклучок дека Шпанија е најслаба меѓу „големата четворка“ во Европа во плаќањето на оваа важна професија.
Освен во Данска, платите на полицајците надминале 4.000 евра и во три други земји. Германија, Луксембург и Белгија ја следат Данска со заработка од околу 4.200 евра, додека полицајците во Холандија заработиле 3.881 евро, а во Ирска 3.576 евра.
Во Франција полицаец со горенаведените квалификации заработил 3.395 евра, додека во Италија таа сума изнесувала 2.537 евра.
Во пет земји од ЕУ, полицајците заработиле помалку од 1.250 евра. Платите биле нешто под оваа сума во Унгарија, Полска, Романија и Хрватска, каде што надминале 1.050 евра, додека полицајците во Бугарија имале најниски плати – само 699 евра.
Родовиот јаз во платите останува значаен проблем низ Европа, а полицијата не е исклучок.
Иако податоците за некои земји се со ниска веродостојност, Луксембург се издвојува како единствена земја каде што полицајките заработуваат повеќе од нивните машки колеги.
Во повеќето земји од ЕУ, машките полицајци заработуваат повеќе од 10 отсто повеќе од жените на иста позиција.
Извор: nezavisen.mk
