Истражувањата покажуваат дека на врвот на листата на најдобри места за семејства, т.е. за одгледување на деца е во Берн, Швајцарија.
Сместена помеѓу Франција, Германија и Италија, оваа мала земја привлекува со своите одлични услови за живот, пред се, за одгледување деца. За оние кои не се гледаат себеси во некоја нордиска земја, која обично им е омилена на многумина кои се преселуваат во странство, Швајцарија и градот Берн можат да бидат вистински хит.
Здравството и образованието се меѓу највисоките во светот, а со природата исто како разгледница и многу чист воздух, не е тешко да се види зошто Швајцарија е толку привлечно место за живеење за семејствата.
Посебно се пофалени тамошните лекари и болници, а надалеку е позната и безбедноста во Швајцарија. Децата таму најчесто сами одат на училиште, родителите не треба да се грижат дали нешто ќе им се случи, тие се воспитувани да бидат самостојни уште од мали нозе.
Трошоците за живот во Швајцарија не се ниски, но платите се генерално многу високи, па затоа е една од најдобрите земји во Европа по квалитет на живот.
Интересно е што во Берн живеат само нешто повеќе од 130.000 жители, од кои 17 отсто се имигранти. Градот лежи на големо плато и е омилена дестинација за многу туристи поради својата единствена убавина.
Доколку случајно се преселите во Берн, ќе имате можност да уживате во многу интересни работи, како што се стариот град, куќата на Ајнштајн, ботаничката градина. Инаку, има многу отворени простори за истражување и многу објекти погодни за деца низ Швајцарија.
Покрај тоа, имигрантите во Швајцарија имаат пристап до врвно образование. Швајцарскиот образовен систем вклучува приватни, јавни и меѓународни училишта, како и интернати. Децата во Швајцарија одат на училиште до 15-годишна возраст. После тоа, тие можат да го продолжат своето образование во средните или стручните училишта, а потоа да одат на некои од најдобрите универзитети во светот.
Конечно, постои уште еден клучен фактор што ја прави Швајцарија толку привлечна за семејствата – политичката стабилност и неутралност, што секако е голем плус на долг рок.
Извор: nezavisen.mk
