Историски момент за Македонија и македонскиот спорт бидејќи Христијан Бузалковски ќе биде првиот Македонец кој доби понуда за трка од светски размер.
„Навистина е огромна чест кога знаете дека сте во тим кој ќе настапува на светски шампионат. На Легендарната трка 24 часа Ле Ман да го видиме Македонското знаме е навистина чест, но и голема одговорност. Мојата цел ќе биде да се прилагодам на моторот со кој што ќе возам, и секако да се квалификувам на најтешката трка на светот. 24 часа без престан. Подготовките веќе се во тек, и се надевам дека се ќе биде како што треба, со Господ напред“, вели Христијан Бузалковски.
Инаку, Бузалковски е поранешен шампион на Македонија, а минатата сезона заврши на третата позиција во БМУ Европскиот шампионат зад сонародникот Синиша Кочоски и шампионот Димитар Митов.
