Да се работи вредно е важно за напредок во кариерата. Сепак за една личност да биде успешна битно е и нејзиното однесување, начинот на комуницирање и подготвеноста на промени.
Сакате да бидете омилениот човек во канцеларијата?
Еве што треба да правите…
Пристигнување на време
Да се биде навреме на работа покажува почит кон компанијата, посветеност и доследност. Неколку карактеристики што се барани кај секој вработен.
Кажување на свое мислење
Кога имате што да кажете не треба да се двоумите, плашите или срамите. Покажете пред сите дека се грижите за случувањата во компанијата и размислувате за наоѓање на решенија.
Барање на помош кога е потребно
Многу е подобро да побарате стручна помош кога некои работи нема да ви бидат јасни, отколку да се обидувате да решите проблем без да знаете како.
Лесна адаптација
Во денешно време брзата и лесна адаптација кон промените е една од клучните карактеристики за успех на работното место.
Професионален однос
Без разлика на каква позиција сте професионалниот однос треба да биде дел од вашето секојдневие, една од навиките кои ги носите секаде со себе.
Помагање
Да се помага на колегите кога е потребно е благородна карактеристика, а секој гест на добрина и услужност не останува незабележан.
