Германија е во рецесија поради пандемијата со коронавирусот, а тоа може да се одрази на работните места на македонските граѓани кои се таму, но и на работниците од регионот кои заминале во Германија.
Пандемијата на коронавирусот ќе предизвика најголема рецесија на германската економија, по Втората светска војна, изјави министерот за економија и енергетика, Петер Алтмајер.
Нашинците во Германија, велат дека дали некој ќе го изгуби работното место ќе зависи од повеќе фактори, од професијата, искуството на работникот, компанијата. Раскажуваат дека многу луѓе кои биле пред истек на договорот за вработување, или нововработени, веќе ја изгубиле работата. Голем е бројот и на оние кои месец дена седат дома и чекаат состојбата да се нормализира и да продолжат да работат.
„Во OUTLETCITY Metzingen кој е еден од најпопуларните шопинг места во Европа со над 4 милиони посетители од 185 нации секоја година, начинот на секојдневното функционирање почна да се враќа во нормала. После повеќе од месец време почнавме да се враќаме на своите работни места. За жал имаше и многу колеги кои ги изгубија работните места поради кризата, но останатите бевме платени и до 100%“- изјави Тамара која живее и работи во Германија повеќе од две години.
Бројот на невработени во Германија ќе биде над 3 милиони.
Српски државјани кои работат во Германија велат дека на удар ќе бидат вработените во автомобилскиот сектор.
„Јас и мојот сопруг работиме без проблеми. Германија е во хаос, ќе има многу невработени. Што ќе биде понатаму не знаат ниту Германците, сите стравуваат. Прво работите ги пореметија мигрантите, а сега короната“, вели Србинка која живее и работи во Германија.
Дури во втората половина на оваа година, состојбата ќе биде делумно ублажена.
Поради кризата со вирусот, секој Германец ќе изгуби најмалку 2.600 евра.
Ваков пад на германската економија немало цели 40 години.
.jpg)
