![Во Бугарија 14-дневен карантин само за граѓаните од осум земји: Дали Македонија е меѓу нив?](https://s.vrabotuvanje.com.mk/data/images/preview/article/de/4fd878ed-resize-820x0x100.jpg)
Бугарскиот Централен оперативен штаб предложи укинување на 14-дневниот карантин за бугарските и странските државјани од земјите членки на ЕУ, како и за граѓаните од Северна Македонија и од Србија при влезот во Бугарија, пренесува БГНЕС.
“Предлогот е врз основа на податоците на Европскиот центар за контрола на болестите“, рече Ангел Кунчев.
Задолжителниот 14-дневен карантин ќе остане само за граѓаните на осум држави, кои имаат голем број инфицирани лица со Ковид-19 во последните две недели. Карантинот ќе биде задолжителен за граѓаните на: Белгија, Италија, Малта, Шпанија, Португалија, Шведска, Ирска и Велика Британија.