Кога желбата и професијата се љубов, тогаш делата зборуваат
Учителката Цанка Костова од основното училиште „Страшо Пинџур“ во Неготино одлучи на оригинален начин да ги изненади своите ученици кои последното тромесечије следеа настава од дома и со месеци ги немаше видено, пишува порталот „Деца.мк“. Поради мерките за заштита не можеше да ги гушне, но вистински ги израдува.
– Точно на 100-от ден од кога не сме на училиште, моите ученици имаа едно поразлично утро. Како времето минуваше, бев решена за миг да ги видам дечињата, па и да е само од далечина. Кога желбата и професијата се љубов, тогаш делата зборуваат. За кратко време беше сѐ спремно и реализирано. Беше ден различен од другите, ден полн со изненадување и емоции.. Ден полн со насмевки и среќни лица.. Голема благодарност до родителите за соработката и вниманието, а посебно благодарам Наташа Ганцева – раскажува учителката под видеото објавено на „јутјуб“.
ПРОЧИТАЈ ПОВЕЌЕ: Дечиња од беровско основно училиште ја изненадија учителката со песна на социјална дистанца пред нејзиниот дом
.jpg)
