За кои прегледи и операции ќе се изначекате, а кои нема ни да ги закажете?

Нема да чекате за прегледи во 85 здравствени установи каде што се работи на државен трошок, за 159 специјалности, но нема ни да закажете зашто нема термини

Ќе се изначекате ако сакате на државен трошок да закажете поставување пејсмејкер за да ја стимулира работата на срцето, невропсихолошко тестирање, снимање со магнетна резонанција, со компјутерска томографија, ЕХО на дојка, на стомак, колоноскопија и гастроскопија за инвазивни прегледи на органите за варење. Нема да поминете полесно ако ви треба и дезинтометрија - преглед на состојбата на коските, ласерски интервенции на очи, електромиографија.

Воопшто нема да чекате за вакви прегледи во 85 здравствени установи каде што се работи на државен трошок (за 159 специјалности). Но нема ни да закажете зашто нема слободен термин за нив, покажуваат податоците на системот за евиденција и закажување во здравството „Мој термин“ од почетокот на месецов.

Каде нема термини?

Податоците за прв слободен термин во државата покажуваат дека за електромиографија се чека 140 дена, за невролошко тестирање - 48 дена, додека за поставување пејсмејкер – 43.

За услуга од дефектолог-соматопед треба да поминат 20 дена, за скенирање со ПЕТ-компјутерски томограф, кој покажува малигни клетки – 14 дена.

Ако ги ловите овие слободни термини, може да треба да патувате далеку од вашето место на живеење.

Во скопската градска општа болница „8 Септември“ на почетокот од месецов немало термин за дигестивна хирургија, за колоноскопија, за неврохирургија, ревматологија, за пластична хирургија и за електромиографија. Во клиничката болница во Битола нема за гастроскопија и колоноскопија, за преглед кај кардиолог и педијатар, за снимка со магнетна резонанција и услуги од физикална медицина. Во клиничката болница во Штип нема термини за кардиолог, ниту, пак, за ЕХО на срце и за стрес-тест. Таму пациентите не можеле да закажат ниту за снимање со магнетна резонанција зашто сите термини биле зафатени. За гастроскопија, ЕХО на срце, стрес-тест нема термини ниту во велешката болница. Таму на оваа листа се и прегледите на невропсихијатрија и психијатрија, пулмологија и урологија. Генерално, слично изгледаат и листите за кои нема термин и во кумановската болница.

ЦЕЛИОТ ТЕКСТ ПРОЧИТАЈТЕ ГО НА ЛИНКОТ

Вести

Младите не сакаат да работат земјоделство, се чувствуваат понижено – Зошто станавме општество со искривени морални вредности?
Земјоделството е една од клучните гранки на македонската економија, но интересот на младите за оваа професија драстично опаѓа. Сè помалку млади луѓе се одлучуваат да останат во руралните средини и да го продолжат семејниот агробизнис.
Македонското земјоделство на крстопат – кои култури исчезнаа, а кои се пред исчезнување?
Некогашното македонско земјоделство беше богато со култури кои денес речиси исчезнаа. Памукот, ленот, сусамот, афионот и хмељот беа значајни за економијата, но модерните услови и новите барања на пазарот ги доведоа до работ на исчезнување.
Тунелот Муриз наскоро во употреба – од Дебар до Тирана за еден час
Тунелот Муриз, дел од автопатот „Патот на Арбр“, ќе биде отворен за сообраќај на 14 март, со што од граничниот премин „Блато“ кај Дебар до Тирана ќе се стигнува за еден час.
Од каде потекнува препознатливиот звук на Нетфликс?
Секој фан на Нетфликс добро го знае тој момент – викенд е, подготвени сте да заборавите на вашата стресна недела и да се нурнете во нова серија или филм. Без што од каталогот на Нетфликс ќе изберете, ќе го слушнете тој препознатлив звук „тудум“ на почетокот.
Вештачка интелигенција го менува начинот на патување: Како AI ја поедноставува организацијата за одмор?
Во динамичното темпо на современиот живот, особено во урбаните средини, спонтаното патување често се смета за предизвик. Потребата од детално планирање, организација на сместување и транспорт, како и финансискиот аспект, може да ја намали авантуристичката возбуда.
Во овие земји железничката мрежа е најразвиена: Каде во Европа мрежите се шират најбрзо?
Железничката мрежа во Европа се проширува, но напредокот е нерамномерен