Времето денеска сончево со мала до умерена облачност. Ќе дува умерен, повремено засилен ветер од северен правец, соопшти УХМР.
Во Скопје, сончево со мала до умерена облачност и со умерен северен ветер. Минималната температура ќе се спушти до 5, а максималната ќе достигне до 20 степени.
Од петок и во деновите од викендот ќе има промена на времето кога ќе преовладува променливо облачно време со повремени врнежи од дожд. На места врнежите ќе бидат поројни и пообилни, локално и над 20 л/м2, проследени со појава на грмежи и засилен ветер.
Поради продор на постудена воздушна маса во недела на планините и на некои повисоки места се очекуваат врнежи од снег и позначително опаѓање на дневните температури.
Извор : https://vecer.mk/
