Зошто ни е потребна дигитална детоксикација?

Дали го вклучувате мобилниот телефон веднаш штом ќе се разбудите? Дали откако ќе се вратите од работа времето го поминувате дома пред компјутер? Дали ги следите социјалните мрежи дури и додека патувате од работа кон дома? Доколку на овие прашања одговоривте потврдно, вие сте идеален кандидат за дигитална детоксикација.

Еве неколку насоки како да го изведете „чистењето“.

1. Научете да се забавувате и без вклучен монитор пред вас

Пронајдете некоја друга забава, на пример читајте книга, решавајте крстозбор или едноставно поминете некое време во тишина. Бидете благодарни за мирот и тишината и дајте му на мозокот шанса да се одмори барем неколку минути дневно.

2. Изгаснете ги сите светла кои ги имате во домот

Истражувачите од универзитетот Харвард докажале дека користењето на мобилниот телефон пред спиење може да го наруши лачењето на мелатонин, хормон кој го поттикнува сонот, а истовремено врши улога и на антиоксиданс во човековото тело, но и го стимулира имунитетот.

Краткиот и неквалитетен сон долгорочно може да предизвика сериозни здравствени проблеми. За да му помогнете на сопственото тело да го добие заслужениот одмор, обидете се тоа да го правите во мрак и исфрлете ги електричните уреди од вашата спална соба.

3. Намалете со виртуелните познанства

Фејсбук, Твитер, Инстаграм и другите социјални мрежи нè спојуваат со познаници и пријатели и ние стануваме дел од една дигитална заедница, но исто така тие се смислени неквалитетно да го трошат нашето слободно време.

Навистина е чудно како некој може да помине неколку часа разгледувајќи нечии фотографии, вести или објави. Затоа обидете се вака - следниот пат кога ќе се приклучите на некоја од социјалните мрежи, наместете го алармот да ѕвони за на пример 10 минути, а кога ќе се вклучи веднаш престанете и потоа излезете надвор на прошетка.

4. Поминувајте повеќе време на места каде што не е дозволено да се употребува мобилниот телефон

Тоа може да биде некое студио за вежбање, фитнес, зумба и слично, одете на базен, на јога, медитација или шетајте по манастири. Можете и да посетувате креативни работилници каде што рацете и умот ќе ви бидат зафатени со нешто друго наместо со мобилниот телефон.

извор: crnobelo.com

Занимливости

Невролозите ја открија точната возраст кога треба да престанете да пиете пиво
Експертите за деменција ја открија прецизната возраст кога треба да ги оставите настрана пивото, виното и жестоките пијалоци со цел да се заштитите од Алцхајмеровата болест во подоцнежниот живот.
Германија и Турција се скараа за донер-ќебапот
Ако постои нешто што ги обединува жителите на Берлин, тоа е нивниот апетит за донер-ќебап. Канцелариските работници во потрага по брз ручек, децата кои се враќаат од училиште, младите луѓе по „напорната“ диско-вечер, сите тие редовно застануваат во една од многуте ќебапчилници во градот.Но, ако биде по барањето на турската влада, на секоја донер-ќебапчилница во Германија наскоро ќе ѝ биде забрането да продава ќебапи под тоа име.
Ова се најчестите психолошки трикови во продавниците: Еве зошто количките за пазарење имаат накосено дно
Маркетинг експертите користат различни трикови за да ги поттикнат купувачите да купат повеќе. Не е случајност што поголемиот дел од количките за пазарење имаат наклон за наведнување.
Село во кое сите живеат во иста улица долга 9 километри: Сите се изненадени кога ќе дознаат каков е нивниот начин на живот
Селото Сулошова, кое се наоѓа на југот на Полска, стана вистински хит на социјалните мрежи благодарение на уникатната глетка што ја нуди. Тоа е речиси 9 километри долгата главна улица, која создава фасцинантен визуелен ефект од птичја перспектива.
Еден инсект има изненадувачки висока толеранција на алкохол
Источниот или ориенталниот стршен е идентификуван како единственото животно кое не може да се опијани од алкохол. Стршните природно консумираат етанол како дел од исхраната, која вклучува нектар и овошје. Иако веќе знаеме дека ги привлекува алкохолот создаден од човекот, нивната врска со природните опијати е непозната.
Проксима Кентаури Б – планетата најслична на нашата
Научниците открија „втора Земја“, планета најслична на нашата, оддалечена пет светлосни години од Сонцето, што претставува едно од највозбудливите откритија во астробиологијата во последно време.