Некои луѓе мислат дека ова е неверојатен подарок за претстојните празници – се согласувате ли?
Дека на интернет се продава сè и сешто, се уверивме многупати досега, но една работа која се нашла на популарната страница за продажба eBay пред неколку денови, изненадила многу од луѓето и добро ги насмеала затоа што се прашуваат кој е подготвен да купи такво нештo.
Многу редок, преклопен Принглс чипс – е името на артиклот, а авторот на објавата очигледно е толку многу воодушевен од тоа што го пронашол во една популарна намирница што одлучил да заработи на тоа затоа што смета дека истото има „одредена вредност“.
Едно парче чипс кое фабрички се преклопило се продава за 650 фунти.
Во описот пишува и дека артиклот е „некористен“ и „без оштетување“, „крцкав и солен“, а потребно е да се плати и достава чија цена се менува во зависност од локацијата на која истиот се испраќа.
Многу од луѓето мислам дека цената е нереална, но и дека преклопениот пржен компир е одличен подарок за некој кој е голем обожавател на чипсот Принглс.
