Регулаторната комисија за енергетика и водни услуги (РКЕ) во текот на денов ќе донесе нова одлука за цената на нафтените деривати што ќе важи од ноќеска на полноќ. Како што информираат од РКЕ, исполнети се предусловите за носење нова одлука.
Цените на горивата се носат врз основа на изменетиот Правилник за одредување на малопродажните цени на нафтените деривати со кој РКЕ може секој ден да носи одлуки за промена на цените на горивата доколку пресметката за цената на било кој нафтен дериват оди нагоре или надоле за два денара. За пресметката се зема просекот од претходните петдневни котации на берзата за секој нафтен дериват одделно и воопшто не влијае цената на суровата брент нафта на светскиот пазар.
При последната одлука бензините Еуросупер БС-95 и Еуросупер БС-98 поевтинија за половина денар, додека Еуродизелот поскапе за еден денар.
Од 22.3.2022 година од 00:01 часот максималните цени на нафтените деривати изнесуваат:
-Моторен бензин ЕУРОСУПЕР БС – 95 79,00 (денари/литар)
-Моторен бензин ЕУРОСУПЕР БС – 98 81,00 (денари/литар)
-Дизел гориво ЕУРОДИЗЕЛ БС (Д-Е V) 77,00 (денари/литар)
-Масло за горење Екстра лесно 1 (ЕЛ-1) 73,50 (денари/литар)
-Мазут М-1 НС 52,354 (денари/килограм)
извор: alsat.mk
