Вака би изгледала распределбата на богатството по земји кога светот би имал само 100 долари

Најголем дел од светското богатство е сконцентрирано во само неколку земји

Всушност, речиси една третина од богатството на домаќинствата го поседуваат Американците, додека кинеското население поседува речиси една петтина од светското богатство.

Користејќи ги податоците на Credit Suisse, графиконот ја прикажува распределбата на богатството на домаќинствата низ светот, нагласувајќи го јазот што постои во различни делови на светот.

Топ 10 најбогати земји

За да се поедностават работите, оваа табела покажува колкаво богатство би имала секоја земја кога светот би имал само 100 долари.

Како што покажува графиконот, првите 10 најбогати земји би имале околу 77 долари или 77 отсто од глобалното богатство по домаќинство. Еве ја распределбата на имотот ако целиот свет би имал само 100 долари:

На прво место се САД кои би добиле 29,40 долари или речиси една третина од вкупното богатство, додека Кина е на второ место со 17,71 долари.

Тоа има смисла со оглед на високата концентрација на ултра богати поединци во двете земји - повеќе од половина од милијардери во светот живеат во Кина и САД, а осум од 10-те најбогати луѓе на планетата се Американци, вклучувајќи го и најбогатиот човек во светот Илон Маск.

На третото место на листата е Јапонија со 6,93 долари. Како и Соединетите Американски Држави и Кина, Јапонија, исто така, има висок удел на граѓани со ултра висока нето вредност од 30 милиони долари или повеќе.

Интересно е што Индија го зазема седмото место на листата и покрај тоа што го има третото место по број на милијардери во светот и масовно население од 1,4 милијарди луѓе. Еден од факторите кои придонесуваат може да биде релативно високото ниво на сиромаштија во земјата.