Утре ќе има посебен сообраќаен режим во главниот град на земјата
Утре од 18.00 часот до 20.00 часот ќе се одржи ревијална трка „Вози право, вози здраво“ со старт од Порта Македонија, десно долж ул.„Димитрие Чуповски“, десно по ул.„Даме Груев“, право по бул.„ВМРО“ до крстосница со бул.„Илинден“, лево по бул.„Илинден“ до крстосница со ул.„Наум Наумовски Борче“ – Градски парк кај споменикот на Гоце Делчев.
Полицијата информира дека од тие причини Одделението за безбедност на патниот сообраќај ќе превземе мерки за посебен режим на сообраќајот по горенаведените улици, при што сообраќајот ќе се пренасочува по околните сообраќајници.
МВР апелира до граѓаните да ги почитуваат нивните наредби.
