logo-site
MK
Пријава
avatar-site
Повеќе од 30 пожарникари-доброволци летово ќе ја чуваат Шара од пожари

Повеќе од 30 пожарникари-доброволци летово ќе ја чуваат Шара од пожари

24. 06. 2022.

Повеќе од 30 волонтери од граѓанското Здружение за унапредување мерки за заштита од пожари „Доброволно пожарникарство“ од Тетово, заедно со граѓани од седум општини кои гравитираат на територијата на новиот национален парк „Шар Планина“ ќе се грижат за безбедноста и заштитата на планината од пожари. Волонтерите деновиве поминаа обука за справување со пожари на отворен простор, а во иднина е планирано да се организираат повеќе слични обуки и бројот на обучени лица, кои ќе можат рано да дејствуваат при појава на шумски пожари, да се зголемува.

Зајакнувањето на граѓанскиот сектор во доброволното гаснење на пожари опфати теми како вовед во системот за заштита и спасување, права и обврски на институциите во системот за заштита и спасување од пожари со практична употреба на ПП апарати и хидрантската мрежа, прва медицинска помош, мерки за заштита и спасување, евакуација и згрижување на загрозеното население, лична и колективна заштитна опрема, тактика и техники на гаснење на шумски пожари на отворен простор, штети на шумите од пожар и заштита на шумите, како и практичен дел, употреба на гребли, ПП метли, грбни пумпи, воздушни дувалки и моторни грбни пумпи за вода.

Целиот текст прочитајте го на meta.mk