Бидете внимателни кога нарачувате
Гостин во ресторан на Мали Лошињ - туристичко место во Хрватска, бил непријатно изненаден откако ја добил сметката за вечера. Имено, тој платил 690 куни или околу 90 евра за две порции ракчиња.
„Бев шокиран затоа што на менито пишуваше дека ракчињата чинат 70 куни (околу 9 евра), но немаше објаснување. Не беше наведено дека 70 куни е всушност цената за 100 грама ракчиња. На крајот, разочараниот гостин го порачува следново: „Прочитајте внимателно што пишува на рибните менија. Не наседнувајте на вакви трикови како ние!“.
Но, со оваа горенаведена приказна за ракчињата на Мали Лошињ, секако не доаѓа крајот на непријатните изненадувања за гостите кои ќе се решат да го посетат Јадранот оваа сезона: од кафе, клуб сендвичи и морски плодови, доаѓаме и до брза храна.
Фотографија од пица, купена на Брач, со опис: „Zlatni Rat large pizza“ привлече големо внимание кај корисниците на Редит. Станува збор за пица со големина на раката на човекот кој ја купил, а платил 80 куни или речиси 11 евра за истата.
Не требаше долго да започне дискусија, шеги за пицата и жестоки критики за хрватскиот туризам.
„Ги ограбувам туристите кога ќе дојде лето, наплаќам 80 куни за мини маргарита“, напиша на шега еден од корисниците, додека други истакнаа дека „сето ова е само понуда и побарувачка“.
Се шират многу шеги поврзани со големината на пицата и цената, а некои му пристапија малку посериозно на овој проблем, велејќи дека „туризмот е убава работа, но треба да знаете како да се справите со него“.
„Никој нема таква убавина како Далмација и островите. Само треба да знаеме како да ја зачуваме. Морето е полно со нечистотија, плажите никогаш не биле повалкани. За мала сума пари можете да ставите уште неколку корпи за отпадоци и ангажирајте неколку луѓе за чистење на плажите“, стои во овој коментар.
извор: biznis.telegraf.rs
