Општина Гази Баба доделува субвенции за чистење на оџаци

Денеска среда, 03.08.2022 година, градоначалникот на општина Гази Баба информираше дека има објавено јавен повик за субвенционирање на граѓаните за чистење на оџаците.

Општина Гази Баба распиша јавен повик за субвенционирање на домаќинствата за надоместување на дел од трошоците за чистење на оџаци за 2022 година.

Најголемиот проблем во областа на заштитата на животната средина, со кој се соочува Гази Баба, е нарушениот квалитет на амбиенталниот воздух во градот, особено со партикуларните честички (ПМ10 и ПМ2,5). Една од поголемите причини за емисија на овие честички е затоплувањето на објектите кои не се приклучени на централно греење, пред се, заради нецелосното и несоодветно согорување на огревното дрво, несоодветниот квалитет на дрвото и начинот на негово чување и употребата на стари, дотраени и технички неисправни печки, како и нередовно чистење и одржување на оџаците.

Јавниот повик ќе трае од 30.07.2022 година до (заклучно со) 30.11.2022 година, односно до исцрпување на финансиски средства обезбедени за оваа намена од Буџетот на Општина Гази Баба за 2022 година.

Оваа мерка се реализира за прв пат во општина Гази Баба и е уште едно реализирано ветување кое го дадов пред граѓаните.
Ги повикуваме граѓаните да аплицираат.

извор: kurir.mk

Актуелно

Колку да се напумпаат гумите за безбедно возење во зима?
Возењето со недостаток на напумпани гуми зимно време значително го зголемува ризикот од сообраќајни несреќи поврзани со состојбата на гумите, покажаа истражувањата. Исправно напумпаните гуми не само што овозможуваат подобра контрола на снег, туку ја намалуваат потрошувачката на гориво и го продолжуваат векот на гумите.
Утревечер во Скопје се очекува снег!
Утре времето ќе биде претежно облачно со врнежи од дожд, попладне во западните делови ќе бидат пообилни (над 40 l/m 2 ). Ќе дува засилен јужен ветер, кој во текот на ноќта ќе го промени правецот во северен (над 70 km/h).
Се очекува маслиновото масло дупло да поефтини!
Еден од најтешките периоди за индустријата се приближува кон крајот и се очекува цените на маслиновото масло во следните месеци да се намалат на половина од својот историски максимум, според најавите.
УЈП со важно известување за корисниците на МојДДВ
Управата за јавни приходи излезе со известување за корисниците на МојДДВ врзано со ажурирање на податоците.
Европски градови каде не ви е потребен кеш: Дури и уличните музичари можете да ги платите со картичка
Во многу европски градови, нема да се најдете во непријатна ситуација ако сте без готовина.
Грците доаѓаат на грчко гиро во Битола
Иако звучи по малку парадоксално, но Грците од северот на нивната држава веќе доаѓаат на грчко гиро во Битола. Познат угостител од Лерин, кај кого битолчани чекаат редици за да јадат гиро и други грчки специјалитети кога одеа на шопинг или прошетка во Лерин, сега отвори свој угостителски дуќан во новиот трговски центар „Блис“ на излезот од Битола на страната кон Прилеп.