Ниските тарифи кои со последните измени им се наложени на извршителите, но и други проблеми со кои се соочуваат, ја направиле нивната професија неисплатлива, поради што нема интерес за истата, особено надвор од Скопје.
Тие велат дека поголемиот дел од нивната работа, околу 80 отсто, отпаѓа на комуналните предметни, а за некои не можат да ги наплатат трошоците на извршувањето. Исто така, извршителите не може да наплатат услуга кај социјалните случаи, па се случува да финансираат наплата на туѓо побарување од сопствен џеб.
Извршителите бараат нивната работа да се уреди како во судовите – со секое барање за извршување да се уплаќа одредена сума, за извршителот воопшто да почне да работи – по примерот на судските такси.
Според официјалните бројки, лани извршителите реализирале 63.069 присилни наплати и според овој податок, 2021 е рекордна година според наплатата на долгови. Вкупната наплата во 2021 година изнесувала 130 милиони евра и таа е втора година „по успешност“ за извршителите по 2017-тата, кога тие наплатиле 166 милиони евра.
извор: vecer.mk/makedonija
.jpg)
