Што ќе се случува со времето? - најнова прогноза

Во наредните денови ќе биде променливо облачно време. За време на викендот се очекува дожд во саботата, а сончеви периоди во неделата

Променливо облачно со слаб ветер од северозападен правец не очекува денеска, најавува УХМР. Во попладневните часови се очекува и намалување на облачноста.

Минималната температура ќе биде во интервал од-4 до 2, а максималната ќе достигне од 4 до 12 степени.

Во Скопје, исто така, ќе биде променливо облачно, попладне со повеќе сончеви периоди. Ќе дува слаб до умерен ветер од северозападен правец. Минималната температура ќе се спушти до 2, а максималната ќе достигне до 8 степени.

Следува период на променливо облачно време, повремено со услови за појава на утринска магла по котлините. Во сабота ќе има слаб локален дожд, а на повисоките места и на планините слаб снег. Во недела ќе има повеќе сончеви периоди, а од почетокот на следната седмица ќе дува умерен до засилен јужен ветер и ќе има повремени врнежи од дожд.