Во светот постојат голем број на различни животни, а нивната убавина лежи токму во оваа различност. Некои од нив имаат чудни „навики“ и обичаи кои во голема мера може да се споредат со нашите.
Иако можеби звучи неверојатно, ова се само некои од најинтересните факти за животните (и тие се вистинити!).
Дали знаевте дека…?
… кравите имаат свои најдобри пријатели!
Кравите се едни од ретките животни кои се дружат, но освен тоа - тие имаат најдобри пријатели и кога се одвојуваат од нив во стадото - често страдаат и стануваат нервозни.
... козите имаат акцент!
Уште една неверојатна работа, но - козите имаат акцент и токму по тоа се препознаваат. Исто како и луѓето - тие различно звучат, во зависност од тоа каде живеат.
... пингвините ги запросуваат своите партнери!
Можете ли да замислите предлог за брак од пингвин? Машкиот пингвин, кога ќе го избере својот животен партнер, носи камен - кој е симбол на неговата љубов! Неверојатно, нели?
... постои медуза која е бесмртна!
Во природата има различни чуда, а меѓу нив е и еден вид медуза која е биолошки бесмртна! Нејзиниот живот е загрозен од други животни кои се хранат со неа, но таа има способност да го реплицира сопственото телесно ткиво користејќи матични клетки за да се одржи во живот.
… слоновите се многу социјални!
Освен што не можат да скокаат, слоновите се познати и по својот богат „социјален живот“. Тие одржуваат прослави кога по долго време се враќа некој од семејството, кој поради некоја причина не бил таму, а кога ќе умре слон од заедницата, се прави погреб. Научниците веруваат дека слоновите можат да се смеат и да плачат.
... волците имаат еден партнер - доживотно!
Волците се исто така еден од верните видови животни кои во текот на животот имаат само еден партнер со кој основаат семејство, а постарите младенчиња често се грижат за помладите и на тој начин им помагаат на своите родители.
... лавиците се држат заедно доживотно!
Лавиците целиот живот го поминуваат со своите сестри. Кога ќе добијат младенчиња, женките ќе останат со мајките и тетките додека мажјаците одат на лов.
