Потребни ви се само неколку минути во денот
Доколку имате недостаток на енергија, чести главоболки, паднат имунитет и притоа лошо се исхранувате, тогаш вие ги имате сите знаци дека сте под голем стрес. Кога мозокот не добива доволно кислород, тој го црпи од останатите органи и поради тоа важно е при стресни ситуации да внимаваме на дишењето. Дишењето е единствен процес во организмот врз кого имаме целосна контрола и кој можеме по сопствена волја да го забрзаме или успориме.
Пранајама е јога техника која фокусот го става на дишењето. Постојат повеќе техники на пранајама, кои ако се правилно направени нудат позитивни влијанија, а нивната редовна примена може да го подобри менталното и физичкото здравје. Овие техники на дишење можат да го намалат крвниот притисок, и да ослободат од хронични болки како артритис, фибромијалгиа и главоболки.
Се што треба да направите е да седнете удобно, да го исправите ‘рбетот, а рацете да ги ставите на колена со дланките поставени нагоре. Вниманието нека ви биде насочено на пределот на стомакот. Почнете да вдишувате колку што е можно повеќе. Кратко задржете го здивот, а после неколку секунди започнете со бавно издишување на воздухот од белите дробови и стомакот. За оваа вежба доволно е да издвоите 3-5 минути, а за ефект повторете ја неколку пати.
Со оваа техника се смирува целиот организам со тоа што се внесува поголема количина на кислород во организмот, се смирува нервниот систем и се создава рамнотежа на работата на внатрешните органи.
