Неуромедика е првиот приватен медицински бренд во Македонија кој веќе 26 години работи на полето на современа и напредна здравствена заштита. 26 години искуство поминати низ константен раст и развој, и стремеж да се достигне врвно здравство и беспрекорни услови за лекување на нашите пациенти. Низ постојаното вложување и унапредување на работниот процес Неуромедика придонесува кон подобрување на квалитетот на медицинските услугите кои ги нуди. Посебен акцент на работата болницата Неуромедика е ставен на современата дијагностичка медицинска апаратура и комплетната 24 часовна медицинска услуга со вклучена домашна посета и санитетски транспорт од страна на нашите медицински екипи.
Тимот на НЕУРОМЕДИКА е составен од искусни и професионални доктори и медицински лица чијашто основна цел е грижата за здравјето на секој пациент. Болницата располага со стручен медицински тим кој е секогаш достапен за консултации со пациенти. Вработените имаат можност преку работа со најсовремена опрема и технологија максимално да придонесат кон подобрување на здравјето на луѓето.
Со цел да ги запознаеме потенцијалните вработени со условите за работа коишто Неуромедика ги нуди, редакцијата на Vrabotuvanje.com поразговара со Марина Сапунџиева, главна медицинска сестра во болницата НЕУРОМЕДИКА.
Најпрво, сакавме да дознаеме за самите почетоци на кариерата на Марина во НЕУРОМЕДИКА па ја запрашавме како таа дознала за отвореното работно место во болницата?
Марина Сапунџиева: Како сите други така и јас дојдов до една точка во животот каде имав потреба од промена. Направив список на здравствени установи. Но без сомнение изборот падна на болницата НЕУРОМЕДИКА која 26 години стабилно стои во светот на здравството и шири награди и признанија во Македонија и пошироко. Го отворив сајтот на Неуромедика и бев сигурна дека тоа е институција од која сакам да бидам дел. Имаше отворен конкурс за медицинска сестра, го испратив моето CV и наредниот ден бев повикана на интервју.
Првиот работен ден е првиот лист од новозапочнатата приказна на секој професионалец. Сакавме да дознаеме дали Марина се сеќава на тој ден?
Марина Сапунџиева: Кога ќе се присетам на првиот работен ден сеуште ме обземаат позитивни вибрации. Кога прв пат влегов во болницата ме пречекаа насмеани лица со позитивна енергија спремни да ми ја доловат хармонијата за тимска работа. Бев сигурна дека припаѓам тука.
Со професијата медицинска сестра може да се занимаваат само хумани луѓе. Запрашавме што е тоа што силно ја мотивира Марина на своето работно место?
Марина Сапунџиева: Медицинска сестра е олицетворение на хуманоста, самопожртвуваност и позитивна енергија која ја пренесува на пациентот. Таа е дел од луѓето кои безрезервно ја подаваат раката на пациентот, нештедејќи се себе си. Само едно „Благодарам“ од оној кој побарал помош значи повеќе од милион зборови.
Она што голем дел од работобарателите ги интересира е како изгледа работата на една медицинска сестра во НЕУРОМЕДИКА и што е тоа што болницата го нуди во однос на другите конкуренти?
Марина Сапунџиева: Во болницата НЕУРОМЕДИКА работата на медицинска сестра е динамична, тимска и едукативна. Секој си ги знае работните обврски и се работи тимски со сестри и лекари. Но она што е важно и фактот дека менаџерскиот тим постојано учествува и го следи и наградува постигнатото.
Се работи и вложува во едукација на целиот персонал, се прифаќаат нови идеи и најважно е дека можете да напредувате на скалата кон успехот.“
Откриваме и како Марина успева да излезе на крај со пациентите кои се плашат од крв и игла...
Марина Сапунџиева: Стравот од крв и игла постои и кај возрасни и кај деца. Како се справувам? - Најпрво се запознаваме со дечињата, раскажуваме приказни се со цел да ја стекнам довербата кај детето а потоа е лесно. За на крај сите да бидеме задоволни, а најмалите да ја напуштат ординацијата со насмевка.
Напредувањето во НЕУРОМЕДИКА е многу лесно, но само за вредни и посветени професионалци. Првото унапредување Марина го добила за само 6 месеци... таа ни открива во што е тајната на напредувањето и како изгледа нејзиниот работен ден на новата позиција
Марина Сапунџиева: Како што веќе напоменав, менаџерскиот тим на болницата будно го следи работниот процес, наградувајќи го постигнатото. Искрено, во потрага по промена и подобра работна атмосфера ја заменив позицијата на проект менаџер која ја имав во претходната компанија и почнав од почеток. Тимот на болницата НЕУРОМЕДИКА го ценеше мојот труд и посветеност и по само 6 месеци ме унапреди во Главна медицинска сестра. Тоа беше уште една потврда за мене дека направив правилен избор со тоа што го одбрав овој тим и болница за работа.
Работниот ден ми е исполнет со динамична работа, предизвици и организација. Добивам задачи од менаџерскиот тим и заедно со мојот тим ги спроведуваме поставените цели. За на крајот од денот бидете комплетно задоволни од сработеното.
Освен работа, НЕУРОМЕДИКА се грижи за задоволството и мотивираноста на своите вработени преку организирање на тим билдинзи, а помеѓу вработените владее вистинска хармонија и дружба после работните активности
Марина Сапунџиева: Неколку пати досега напоменав хармонична атмосфера и тимска игра. Самото тоа кажува за дружбата која постои помеѓу сите нивоа на работни професии во установата и надвор од неа. Често знаеме да прославиме успех на болницата, нечиј роденден или едноставно дружење.
Марина ни открива и зошто НЕУРОМЕДИКА е вистинскиот избор за секој што сака да започне кариера како медицинска сестра
Марина Сапунџиева: Како што веќе напоменав болницата НЕУРОМЕДИКА како здравствена установа нуди динамична но и хармонична и тимска работна атмосфера со големо вложување во едукативниот процес на своите вработени. Тука се надградувате како високо стручен медицински кадар кој цврсто чекори кон скалите на личен успех.
За крај, сакавме да дознаеме што би им порачала Марина на сите кандидати кои сакаат да станат дел од медицинскиот персонал во НЕУРОМЕДИКА
Марина Сапунџиева: Воопшто не се двоумете, напротив земете ја иднината во свои раце и сигурно зачекорете кон тимот кој победува - тимот на болницата НЕУРОМЕДИКА!
