Но, дали знаевте дека има работи што ги правите - можеби дури и токму во овој момент - што би можеле да ги зголемат вашите шанси за сериозно губење на меморијата?
Според една нова студија финансирана од Националниот институт за здравје, постои врска помеѓу седентарен начин на живот и деменција – Долгото седење повеќе од 10 часа на ден може значително да ја зголеми веројатноста за развој на болеста подоцна во животот.
Сега, знаеме што мислите: 10 часа се долго време за седење - но ако навистина размислите за тоа, земајќи го предвид времето што го поминувате на столче во канцеларија, на каучот дома, во автомобилот, или во рестораните каде што јадете, тоа и навистина не е толку многу.
Но, тука се поставува важното прашање: Што можете да направите ако долго седите, за да ги спречите овие когнитивни здравствени ефекти?
Ризикот од долго седење и неговиот ефект на нашиот мозок
Некогаш, децата и возрасните работеа различни работи и имаа различни активности и се движеа по 10 часа на ден. Причината? Работа, слободно време, создавање заедница и едноставно забава.
Во денешно време, благодарение на технологијата, можно е да се забавувате без да го напуштите својот дом. Но, колку и да е прекрасна технологијата, таа некогаш е меч со две острици. Вистината е дека ако останете неподвижни со часови - без разлика дали тоа е поради работата, следење на вашите омилени емисии или едноставно излежување - може ненамерно да му наштетите на вашето здравје по патот.
Според д-р Бредесен, долгото седење може да доведе до негативни здравствени ефекти како лош и нефункционален метаболизам и, како што претходно покажавме, деменција. Иако овие состојби се сосема различни, овие негативни страни всушност одат рака под рака, бидејќи сите тие се сведуваат на енергија и воспаленија во телот, вели д-р Бредесен.
„Најчестата форма на деменција е Алцхајмеровата болест, а истражувањата покажуваат дека ова во голема мера таа е поттикната од два фактори“, објаснува тој. Тоа се енергетиката (оксигенација, протокот на крв, митохондријалната функција и нивото на кетон) и воспалението (што се зголемува со патогени, токсини, протекување на цревата, загадување на воздухот, лоша дентиција итн.), според д-р Бредесен. „Седентарен начин на живот ја намалува енергетската поддршка за мозокот и често е поврзан со лошата исхрана, како и со седењето на каучот и јадењето чипс, на пример - што го зголемува воспалението“, вели тој.
Како да си помогнеме?
Наполнете ја чинијата со храна богата со хранливи материи
„Јадете храна богата со растенија, зеленчук и овошје“, вели д-р Бредесен. Давањето приоритет на храна богата со хранливи материи, може да помогне во зајакнувањето на метаболизмот и варењето, да се спречат воспаленијата и да се поттикне подобро здравје во целина.
Раздвижете го вашето тело
Бредесен ја нагласува важноста на дневното вежбање од 45 до 60 минути, вклучувајќи и аеробични и вежби за сила. Сепак, тоа не значи дека треба ригорозно да го движите вашето тело. Бредесен вели дека физичката активност е различна за секој од нас поради различниот начин на живот, но таа е неопходна за намалување на ризико од деменција. Само откријте го она што ви одговара и применувајте го често без оглед на годишното време.
Не заборавајте на добриот сон
Колку и да се важни движењето и исхраната, квалитетниот сон има најголемо влијание врз нашето целокупно здравје. Поради ова, д-р Бредесен препорачува најмалку седум до осум часа висококвалитетен сон навечер. Поточно, тој вели дека треба да се стремите кон најмалку „еден час длабок сон и најмалку 1,5 часа РЕМ сон“.
