Никола Тесла е еден од најголемите научници на сите времиња! Некои од неговите големи изуми сè уште не се разбрани, а на своите големи проекти работел до крајот на животот, подеднакво енергичен и фокусиран.
Тесла бил многу внимателен што јаде и како вежба, бидејќи сметал дека е важно да остане активен што подолго.
Повеќе од две децении, Милијан Стојаниќ, инспириран од Теслините признанија за гастрономија, ги истражувал менијата на најпаметниот научник со српско потекло, низ неговото патување по Европа и Америка.
- Млеко, млечни производи, сирења, тоа никогаш не недостигало и тоа најмногу го консумирал Никола Тесла и сè останато од растително и животинско потекло. Јадел и јагнешко, особено тоа јагнешко, кое сакал да му го подготвуваат неговите готвачи во Америка, рекол Стојаниќ.
Меѓутоа, месото целосно го исфрлил од исхраната на 65 години, поради проблеми со простатата, кога се базирал на вегетаријанско мени, со различни комбинации со целер.
„Она што го носело низ животот се тие млечни производи, млечните преработки, мед, по некој коњак или виски, малку вино, но сето во умерени количини. Тесла јадел два пати на ден, без разлика дали бил во Смиљан, во Европа, во Америка. И она што Тесла им го кажувал на сите – не се прејадувајте и не брзајте кон оној свет“, додал Стојаниќ.
Тесла никогаш не јадел од тркалезни чинии
„Никола Тесла, кога бил мал не знаел да пишува и црта со десната рака, туку се правел со левата рака и со голема тешкотија правел кругови, кога учителите го барале од него тоа и тој буквално сето го замразил, вели Стојаниќ.
Растејќи како дете на православен свештеник, познатиот научник се придржувал и до навиките што ги стекнал како дете. Со сите специфики за исхраната, Никола Тесла постел цел живот. Така до крајот на животот го носел истиот конфекциски број.
