Постојат голем број на бизарни професии каде што можете да заработите многу пари, но дали некогаш сте слушнале за некој што продава користени или носени чорапи?
Како што пренесува Cosmopolitan, во овој сектор се кријат чудесни профити. TikToker Шејен Харис од Чатануга, Тенеси го сподели своето искуство и откри дека на овој начин заработува од 900 до 1.800 евра месечно.
Како што изјави Шајен за The Mirror, таа почна да објавува видеа од нејзините стапала и чевли на TikTok, а потоа следбениците почнаа да ја прашуваат дали ќе продаде некои од додатоците што се користат во видеото. Таа реши да ги сподели своите искористени чорапи со своите следбеници, а нејзината бизарна идеја за само неколку недели прерасна во постојан бизнис.
„Секој клиент е различен, се зависи од тоа што му се допаѓа. Вкусовите се различни“, изјави 29-годишната интернет ѕвезда за The Mirror, додавајќи дека нејзината заработка зависи и од квалитетот на нејзините видеа.
Еднаш, за само еден месец, на овој начин заработила неверојатни 7.200 евра. Бидејќи нејзиниот бизнис е повеќе од очигледно во подем, таа сега на својот профил на TikTok објави дека сака да им помогне на другите девојки и момчиња кои би сакале да заработат на сличен начин.
Брзо пребарување на интернет открива дека Шајен во никој случај не е единствената што ги продава своите користени чорапи онлајн. Има страница „Usedsocks“ на Reddit, каде што можете да најдете куп заинтересирани клиенти кои би сакале да издвојат неколку евра (или стотина) за вашите искористени чорапи.
