Домувањето во Германија веројатно ќе поскапи за милиони луѓе од 1 јануари 2025 година.
За помалку од три месеци во Германија ќе стапи на сила реформата на данокот на недвижности, што предизвика негодување кај граѓаните. Ревалоризацијата на недвижностите направи некои луѓе да се збогатат на хартија, но тоа значи и дека ќе мора да плаќаат повисоки даноци на имот. Над 6,16 милиони даночни обврзници ширум земјата веќе поднеле жалба против новото пресметување на вредноста на нивните имоти и даноците што треба да ги платат од 1 јануари следната година, покажува истражувањето спроведено од Plusminus, пишува Tagesschau.
Голем број луѓе сметаат дека нивните имоти не се соодветно проценети и всушност вредат многу помалку. Во исто време, даночната управа наводно ги вреднувала поплавните, обработливите површини и шумите како градежно земјиште. Некои затоа отсега ќе мора да плаќаат 60 пати поголем данок на имот.
Од 40 до 2500 евра
Пример што го наведува Тагесшау е парцелата од 2.600 метри квадратни, купена пред девет години за 33.000 евра. На него има само четири гаражи, додека останатото е главно обработливо земјиште. Сепак, според новата даночна управа, тоа земјиште сега вреди речиси 852.000 евра. Иако сопственикот не смее ништо да гради на ова земјиште, тоа е окарактеризирано како градежно, по цена од 308 евра за метар квадратен. Тоа би значело дека и во случај на сегашни даночни стапки, сопственикот на тоа земјиште мора да плати данок од околу 2.500 евра, наместо досегашните 40 евра.
Германските градови и општини само што почнаа да објавуваат по која стапка ќе го пресметуваат новиот данок на недвижности. Во Берлин ќе се намали од 810 на 470 отсто, додека во Хамбург речиси двојно ќе се зголеми – од 540 на 975 отсто. Во Германија, навидум огромна даночна стапка од 500 отсто се множи со проценетата вредност на имотот и многу мала основа од 0,00031 отсто.
Извор: faktor.mk
