До крајот на годината треба да се заменат возачките дозволи

До 31 декември трае рокот до кога треба да се заменат возачките дозволи со старото уставно име на државата, потсетуваат од Министерството за внатрешни работи (МВР).

Во рамките на нивната апел-кампања, од МВР упатуваат повик до граѓаните навреме да ги заменат возачките дозволи, со цел да не се создаваат непотребни турканици.

„Важноста на возачките дозволи со старото уставно име, согласно со промената на законот за безбедност во сообраќајот, е заклучно со 31.12.2024 година. Министерството ги повикува сите граѓани кои се уште имаат возачка дозвола со старото уставно име, да ја обноват својата возачка дозвола, до истекот на рокот, со цел да не се создаваат непотребни турканици“, се вели во повикот од МВР.

Оттаму информираат оти сите капацитети на МВР и шалтерите на управните служби функционираат во полн капацитет и можат да ги услужат граѓаните за смена на возачките дозволи до редовниот рок, без доцнење.

Министерот за внатрешни работи минатиот месец рече дека околу 200 илјади граѓани останува да ги променат возачките дозволи со „Република Македонија“ со вакви исправи со новото уставно име.
Со новата машина за печатење на лични документи, што е ставена во функција во МВР, министерот вели дека овие возачки дозволи може да се испечати за не повеќе од 20 дена.

Министерот посочи и дека доколку на возачките дозволи не им е истечен рокот на важност, нивната замена нема да биде на трошок на граѓаните во делот којшто се исплаќа кон државата за производство на возачката дозвола.

Извор: 360.stepeni.mk

Актуелно

Хипербарана комора :За менаџерите да го покажат својот полн капацитет
Достапна еи во Скопје:Хипербаричната оксигенација помага во намалување на нивото на стрес и анксиозност, што е од големо значење за менаџерите кои носат важни деловни одлуки.
Со ски карта за Маврово, бесплатно скијање на Копаоник, Златибор и Стара Планина
Скијачките центри на Македонија, потпишаа договор со Ски центарот Маврово, врз основа на кој скијачите од Македонија и Србија ќе можат бесплатно да скијаат со ски карта што е купена во Македонија или во Србија.
Дали новата ЕУ уредба ќе ги поскапи автомобилските гуми?
Најновата регулатива, која има за цел да го спречи уништувањето на шумите во Азија, предвидува ограничувања на производството на производи поврзани со уништувањето на шумите, вклучително и гумата, клучната суровина за автомобилски гуми.
Македонските плати заостануваат во однос на тие во регионот
Граѓаните се разочарани од фактот дека македонската минимална и просечна плата се најниски на просторот на поранешна Југославија. И Босна ја зголеми минималната плата на 600 евра, а кај нас е неизвесно дали идната година ќе имаме минималец од 450 евра.
Од Скопје до Париз: „Изиџет“ од пролет ја враќа линијата до аеродромот „Орли“
Нискобуџетната компанија „Изиџет“, планира враќање во Македонија, но само со линијата Скопје – Париз.
Не не слушаат само на телефон: За овие „шпиони“ по дома не ни помислувате, еве кои уреди можат да бидат мета
Секојдневните уреди како што се паметните звучници, камерите на вратите, телевизори, па дури и машините за перење, ги шпионираат семејствата, покажа едно истражување. Истражувањето објавено од веб-страницата „Which“ покажа дека компаниите собираат многу повеќе податоци отколку што е потребно за да функционира еден производ. Утврдено е дека стандардните уреди за домаќинство собираат и споделуваат приватни информации со големите технолошки компании, како што се Google, Amazon, Facebook и TikTok.