Модниот гигант и групацијата Esprit официјално ја затвори својата последна продавница во Германија. Веста за затворањето ја потврди портпаролот на компанијата за агенцијата DPA.
Компанијата поднесе барање за стечај во мај 2024 година, при што сите 56 продавници требаше да бидат затворени до ноември истата година. Сепак, околу триесетина продавници останаа отворени за време на празниците.
Правата на заштитниот знак во текстилната индустрија му припаѓаат на Theia Group.
Според истражувачкиот институт за малопродажба EHI, модниот гигант Esprit на својот врв во 2010 и 2011 година имаше повеќе од 1.100 сопствени продавници ширум светот, додека во 2023 година нивниот број беше намален на нешто помалку од 150, заедно со бројни франшизни продавници што постоеја до неодамна.
