„Ferrari“ доделува огромни бонуси на вработените по рекордната 2024 година.
Вработените во Италија добиваат петцифрени бонуси по исклучителната деловна година. „Ferrari“ во 2024 година постигна рекордна продажба, испорачувајќи 13.752 возила, што е 0,7% повеќе во однос на 2023 година. Уште поважно, нето приходот порасна за 11,8%, достигнувајќи 6,7 милијарди евра.
Како знак на благодарност кон вработените кои придонесоа за овој успех, компанијата од Маранело реши да ги награди со дарежливи бонуси.
На состанок со италијанските новинари, извршниот директор на „Ferrari“, Бенедето Виња, откри дека 5.000 вработени во Италија ќе добијат бонус од 14.400 евра. Оваа сума е еквивалентна на почетната цена на нов „Fiat Panda“ во Италија!
Во 2023 година, „Ferrari“ исплати 13.500 евра по работник, што значи дека овогодишниот бонус е уште поголем. Со оглед на тоа дека компанијата е во подобра форма од кога било, сега е вистинско време да се работи во оваа компанија.
Одлични резултати и во наредните години
„Ferrari“ веќе има доволно нарачки за да го пополни целото свое производство до почетокот на 2027 година.
Но, тоа не значи дека компанијата ќе забави – во 2025 и 2026 година планира натамошна експанзија, а само оваа година ќе претстави шест нови модели.
Еден од нив ќе биде првиот целосно електричен „Ferrari“, кој пристигнува на 9 октомври! Ако сте мислеле дека тоа никогаш нема да се случи – се лажевте.
Извор: tocka.com.mk
