Индексот на трошоците на животот во јануари 2025, во однос на јануари 2024 година, бележи зголемување од 4.9 %, а индексот на цените на мало раст од 5.2 %, соопшти Државниот завод за статистика.
Инфлацијата мерена преку индексот на трошоците на животот во јануари 2025 година, во однос на декември 2024 година, изнесува 0.2 %.
Зголемувањето на инфлацијата во јануари 2025 година, во однос на декември 2024 година, е резултат на зголемувањето на трошоците на животот во следните групи: Разновидни стоки и услуги за 1.6 %, Мебел, покуќнина и одржување на домаќинствата за 1.5 %, Ресторани и хотели за 0.7 %, Храна и безалкохолни пијалаци, Алкохолни пијалаци, тутун и наркотици и Рекреација и култура за 0.1 %.
Во јануари 2025 година, во однос на декември 2024 година, намалување на трошоците на животот е забележано во следните групи: Транспорт за 0.9 %, Комуникации за 0.4 % и Облека и обувки за 0.2 %.
Трошоците на животот во групите: Домување, вода, електрика, гас и други горива, Здравје и Образование остануваат на исто ниво како и во претходниот месец.
Индексот на цените на мало во јануари 2025 година во однос на декември 2024 година бележи намалување од 0.4%.
Извор: racin.mk
