Берлин е првата сојузна покраина во Германија што го прогласи Меѓународниот ден на жените, 8 Март, за неработен ден.
На 23-ти јануари 2019 година, парламентот во Берлин го одобри нацрт-законот со кој Меѓународниот ден на жената се прогласува за државен празник. Со овој чин, Германија стана единствената земја во светот каде што Денот на жената е прогласен за државен празник, и покрај тоа што тој ќе се слави како таков само во Берлин.
Сенатот на градот и федералните провинции на Берлин со кои управува коалицијата на Социјалдемократите, Зелените и левичарските партии со 87 гласа “за“ наспроти 60 “против“ ја изгласа оваа одлука.
Дериа Чаглар, гласноговорник за рамноправност во застапничкиот клуб на Социјалдемократската партија на Германија (SPD) изјави дека “Оваа одлука е голем напредок во процесот на постигнување еднаквост помеѓу мажите и жените“.
Денот на жената, исто така, стана десеттиот празник во календарот на оваа германска провинција. Берлин во 2018 година имаше најмалку државни празници во цела Германија, само 9, за разлика од Баварија која има дури 13 неработни денови. Берлинската стопанска комора ја критикуваше најновата одлука бидејќи веруваат дека тоа ќе предизвика пад на економската активност за 0.3 отсто.
