Како да се прилагодите на одењето на работа по пандемијата?

Доколку поради пандемијата останавте дома или продолживте да работите од дома, тогаш најверојатно ви беше потребно време за да може да се прилагодите на новонастанатата ситуација. Иако пандемијата сè уште нè потсетува дека е присутна, сепак властите ги олабавуваат мерките, па некои работодавачи одлучуваат своите вработени да ги вратат на работните места.

И понатаму внимателни за своето здравје

Едно е сигурно, а тоа е дека коронавирусот нè натера да ги зајакнеме хигиенските навики и да станеме повеќе претпазливи за своето и здравјето на луѓето околу нас. Тоа ќе значи дека штом се вратите на работа, почесто ќе ги миете рацете, постојано ќе го бришете бирото и ќе го дезинфицирате компјутерот, ќе носите заштитна маска додека патувате од дома до работа и обратно.

Враќање на старите навики за работа

Можеби во изминатиот период додека работевте до дома, од една страна ви беше полесно, сепак ви недостасуваа старите навики, канцеларијата, колегите. Иако социјалната дистанца ќе биде основата за заштита што треба да ја имаат работодавачите кога ќе ги вратат вработените на своите места, сепак добро е што ќе можете да воспоставите рутина што вам ви одговара.

Време за нови промени

Светот сè погласно зборува дека не сака да се врати на времето од пред пандемијата. Затоа, враќањето на работа може да го искористите како нов почеток, да внесете промени, подобро да се организирате, да направите сè она што може да ја зголеми вашата продуктивност и креативност. Искористете ја приликата за да си докажете дека сте ја одбрале вистинската професија и оваа “принудна пауза“ само е доказ дека ќе продолжите понатаму со нови сили и нови идеи.

Помалку стрес, повеќе уживање во работата

Имајќи предвид дека милиони луѓе ширум светот останаа без работа поради кризата, бидете среќни што имате прилика да се вратите назад. Тој факт нека ве води и низ сите потешкотии и предизвици што ви претстојат на професионалниот пат. Стресот повторно ќе биде присутен, но треба да научите како да се “носите“ со него. Постојат техники со коишто ќе успеете да се справите со стресни ситуации и да се ослободите од неговото штетно влијание.

извор: biznisinfo.mk

Актуелно

Компаниите освен сметководител и адвокат ќе мора да ангажираат ИТ- професионалци за да напредуваат
Секоја компанија ќе мора да ангажира ИТ-професионалци или компанија за да може да се носи со предизвиците на новото време. И од бизнис-секторот се согласуваат дека дигитализацијата е клучна за подобрување на нивното работење, односно зголемување на ефикасноста, продуктивноста, конкурентноста и зголемување на можностите за извоз.
Цените на становите пораснаа, а кириите се за жалење
Во услови на економска неизвесност и инфлација, многу граѓани од Балканот се решаваат своите заштеди да ги инвестираат во недвижен имот, бидејќи го сметаат за најсигурна форма на инвестиција. Вложувањето во станови, куќи и деловен простор е тренд кој постојано расте, а со него растат и цените на недвижнините, што е очигледно во речиси сите големи градови.
Македонија изгубила голем дел од домашното производство на храна – се сади се помалку и помалку
Производството на пченица во Македонија е десеткувано, особено ако се погледнат бројките од пред 20 или 30 години. Состојбите не се подобри нуту кај производството на другите земјоделски култури, како сончогледот, тутунот, грозјето...
ДАЛИ ШЕНГЕН РЕЖИМОТ Е НА ЗАМИНУВАЊЕ: По Германија, и Холандија ги врати проверките на граничните премини
Холандската влада објави дека воведува дополнителни проверки на нејзините копнени граници за борба против нерегуларната миграција, слична на политиката што ја воведе Германија во септември. Тоа е најновиот потег на тврдодесничарската влада во земјата, чија цел е да ја заузда имиграцијата, додека антимигрантското расположение е во пораст низ Европа.
Казна од 45 евра за непоседување на зимска опрема во возилата
Од денес, 15-ти ноември 2024 година стапува на сила обврската за задолжително поседување на пропишана зимска опрема во моторните возила и мобилните машини. Доколку не се почитуваат правилата за користење и носење зимска опрема во возилата, кои се предвидени во Законот за безбедност на патниот сообраќај, согласно истиот, на секој возач кој постапува спротивно на одредбите ќе му биде издаден платен налог со глоба во износ од 45 евра во денарска противредност, односно ќе му се регистрираат 25 негативни бодови.
Дедо Мраз патува преку планини и езера
Дедо Мраз стигнува со соларен чамец за да ја подигне „божиќната пошта“ во Химелпфорт во Бранденбург. Таму веќе 40 години пристигнуваат детските писма со нивните желби.