Од 25 февруари до 5 март посетете го онлајн саемот Sezonac 2021 и пронајдете ја вашата идеална сезонска работа во Хрватска!
И оваа година нашите партнери MojPosao.net ве покануваат да го посетите онлајн саемот за вработување во туризмот кој ќе се одржи од 25 февруари до 5 март.
Онлајн саемот ќе понуди богата понуда на огласи за работа во најпрестижните хрватски хотели, ривиери, одморалишта и трговски центри, а истиот е отворен 24 часа дневно од сите уреди (компјутери, таблети и мобилни телефони).
Понудата на работни места ќе биде поделена во четири категории: - „Рецепција, домаќинство и администрација“, „Храна и пијалоци, спа центар, анимација и забава“, „Одржување, безбедност и производство“ и „Продажба, складирање и логистика“.
На македонските посетители, саемот ќе им овозможи поминувајќи низ бројните штандови да ги запознаат работодавците и работните места што тие ги нудат и да ги соберат сите информации на едно место.
Сите огласи кои се отворени за кандидати од Македонија ќе бидат видливи и на www.vrabotuvanje.com.mk.
За да го посетите саемот не е потребна регистрација, само подгответе ја вашата кратка биографија (CV) и кликнете на копчето „Аплицирај“.
Ве очекуваме од 25 февруари до 5 март на веб страната која накнадно ќе ја споделиме.
