Актуелно
Во рубриката актуелно ве информираме за сите новости кои се однесуваат на пазарот на трудот во Македонија и светот. Вработеноста, вработувањето, просечната плата и Законот за работни односи се теми кои редовно ги следиме и за кои секојдневно информираме. Барањето работа ќе ви биде значително полесен процес доколку сте информирани за новостите кои ние ви ги подготвуваме. Вестите за пазарот на трудот се идеални за луѓе кои бараат работа, работодавци, претприемачи и вработени професионалци. Многумина ќе ги интересира и како сме се посрамотиле на работа, дали одиме на работа настинати, дали ја работиме работата што ја сакаме, дали создаваме пријателства на работното место и какви се резултатите од популарните анкети објавени на порталот Vrabotuvanje.com.mk. Информираме и за одредени вести од сферата на економијата и бизнисот, но најважното подрачје за нас останува пазарот на трудот. Тука се и актуелностите од сферата на човечките ресурси, условите за работа и најновите истражувања на порталот Vrabotuvanje.com.mk. Најпопуларни теми се истражувањата за големината на платата, кој е најдобар работодавач во Македонија, дали сакаат македонските работници да работат во странство и останати полесни теми како што се уредност на работа и пиење кафе на работното место.
-
Tуристичките аранжмани во Македонија поскапеле повеќе од европскиот просек
Цените на туристичките аранжмани во Северна Македонија во јули се зголемени повеќе отколку во речиси сите европски земји. Додека просечното зголемување на цената на пакет аранжманите во јули во Европската унија (ЕУ) изнесуваше 6,6 отсто, според Евростат, во Македонија цената на туристичките пакети се зголеми за дури 16,5 отсто, јави дописникот на МИА од Белград.
-
Колку се заработува на брод? Сумите ќе ве изненадат!
Во бескрајните сини длабочини на океаните, крузерите се претвораат во пловечки градови, нудејќи не само одмор и забава за своите патници, туку и ветување за просперитетен живот за оние кои ги управуваат нивните беспрекорно чисти и блескави палуби.
-
Почнува бербата на шипката – оваа култура ќе го замени тутунот
Во полн ек е бербата на шипката, плодот кој се смета за суперхрана поради своите антиоксидантни и лековити својства.
-
Се намалуваат цените на пет патарини на автопатот Солун – Атина
За околу три евра поевтино ќе биде патувањето со автомобил меѓу Солун и Атина со намалувањето на цените на пет патарини во централна Грција, што вчера го соопшти грчкиот премиер Кирјакос Мицотакис, јави дописничката на МИА од Атина.
-
Бројот на штрковите расте, а бројот на деца се намалува. Како е можно?
Македонското еколошко друштво спроведе пребројување на штрковите на национално ниво. Овој цензус се спроведе во рамки на 8-от Европски цензус на штркови кој што се прави на секои 10 години, а во Македонија првпат се спроведе во 2014 година. При истражувањето во Македонија беа вклучени над 15 членови и волонтери на МЕД, а евидентирани се вкупно 1765 гнезда на штркови (1388 активни гнезда и 389 неактивни гнезда – односно гнезда во кои не се извеле млади, биле гнезда за спиење на штрковите, или имало само една возрасна птица). Вкупниот број на изведени штркчиња е 3,934.
-
Маслиновото масло станува прескапо за потрошувачите
До оваа година, маслиновото масло беше најпопуларно во шпанските домаќинства – покриваше 62 отсто од продажбата, а сончогледово околу 34 отсто, покажуваат податоците на шпанското министерство за земјоделство.
-
Граѓаните да ги променат старите возачки дозволи, истите важат до крајот на годинава
Старите возачки дозволи ќе важат до крајот на оваа година и сите граѓани кои го имаат овој документ со старото име на државава да пристапат кон обновување на истиот, апелираше министерот за внатрешни работи Панче Тошковски.
-
Работниците од октомври со повисока плата?!
Платите на работниците во Македонија не се доволно за да го следат континуираниот раст на трошоците за живот. Синдикатите бараат поголемо покачување на платите на вработените во јавниот сектор, како и раст на минималната плата која изнесува 22.500 денари, во услови кога вредноста на синдикалната минимална кошница изнесува 60.570 денари. Од септември ќе има усогласување на платите на вработените во јавниот сектор според општиот колективен договор. Тоа значи дека работниците од следниот месец ќе добијат повисоки плати за 200 до 300 денари.
-
Македонија изгуби над 27.000 ученици за десет години, најголем губитник е Пехчево
Бројот на ученици во основните и во средните училишта во последните десет години е намален за 27 илјади, објави Центарот за граѓански комуникации.
-
СЕГА Е МИГОТ ДА СЕ КУПИ КУЌА НА МОРЕ: Инвестицијата се исплати, парите брзо се враќаат
Бранислав Симовиќ, агент за недвижности во Црна Гора, вели дека цените на куќите и становите значително пораснале во последните години, особено по доаѓањето на руски и украински граѓани по почетокот на војната.
