Според класификацијата, која опфаќа 193 држави и шест територии а се однесува на првиот квартал од 2021 година, со пасошот на Северна Македонија може слободно да се патува во 108 земји ширум светот, од кои во 66 без виза.
На врвот на листата е пасошот на Обединети Арапски Емирати, со кој слободно може да се патува во 152 држави, од кои во 98 без визи, во 54 земји со визи при пристигнување, а во 46 земји со преходно обезбедување виза.
Втора на ранг листата е патната исправа на Нов Зеланд со можност за слободно патување во 146 држави, од кои без визи во 98 земји. Третото место го делат Германија, Финска, Австрија, Луксембург, Шпанија, Италија, Швајцарија, Австралија и Јужна Кореја, чии државјани може да патуваат во 144 држави.
На листата на глобално ниво за постигнување на највисока оценка за мобилност, на четврто место се Шведска, Холандија, Данска, Белгија, Португалија и Ирска со можност за патување во 143 земји, а петтото место го делат Франција, Малта, Чешка, Грција, Полска, Унгарија, Велика Британија, Канада и САД, со чии пасоши може да се патува во 142 земји.
Северна Македонија го дели 31. место со Тринидад и Тобаго. Од земјите во регионот, најдобро рангирана е Грција (влез во 142 држави/во 104 без виза), пред Словенија на шестото место (влез во 141 држава/безвизен режим со 103 држави).
Следи Хрватска на деветто место со влез во 137 држави и безвизен режим со 99 земји, на десетто место со влез во 136 држави се Романија (безвизен режим со 99 земји) и Бугарија (безвизен режим со 97 држава), а Србија е 29-та со влез во 111 држави и безвизен режим со 71 држава.
По нас на ранг листата се Црна Гора (37-ма со влез во 102 држави, безвизен режим со 62 земји), Босна и Херцеговина (38-ма со влез во 101 држава, безвизен режим со 62 држави), Албанија (39-та со влез во 100 држави/безвизен режим со 60 земји), и Косово (81-ва со влез во 48 земји/безвизен режим со 14 земји).
Последен на листата, како 93-ти, е пасошот на Авганистан со кој може да се патува без виза во само четири држави, а визи на Авганистанците им се потребни за влез во 166 држави.
Јачината на пасошот не го претставува само идентитетот на граѓанинот, туку и важен фактор што влијае на неговиот пристап до глобалните можности, леснотијата на движење и квалитетот на животот. Со цел да се спречи пандемијата, многу земји воведоа ограничувања за патување во држави каде дневните случаи на COVID-19 се високи.
Извор: kajgana.com
