5 знаци кои укажуваат на тоа дека ви е потребна пауза од социјалните мрежи

Секој има потреба од одмор од социјалните мрежи. Во зависност од тоа колку време поминувате на социјалните мрежи, можеби ви треба пауза токму во моментот, а ова се знаците кои ќе ви укажат на тоа.

1. Вашето ментално здравје е нарушено

Иако можеби навидум ви се чини дека социјалните мрежи се сосема безопасни по вашето ментално здравје, сепак ќе увидите колку штетно му влијаат особено доколку направите пауза. Социјалните мрежи неминовно нè тераат да го споредуваме нашиот живот со туѓите животи, а тоа не секогаш се одразува позитивно врз менталното здравје. Додека ги користиме социјалните мрежи забораваме дека животот е една целина од подеми и падови и дека не е сè така розово во животот на другите, а црно во нашиот.

2. Дефокусирање

Дали има нешто пофрустрирачко од тоа да се обидувате да разговарате со некој што е на социјалните мрежи и кој воопшто не ви обраќа внимание? Ако вие сте оној кој е постојано на мобилниот, тогаш паузата од социјалните мрежи е вистинското решение за вас. На тој начин ќе бидете поприсутни во вашиот живот како и во животите на вашите најблиски.

3. Недостиг на приватност

Живееме во свет на постојано споделување, така што нема да сте единствени доколку почувствувате дека го живеете својот живот на социјалните мрежи. Ако некое време престанете да споделувате на социјалните мрежи, ќе почувствувате дека вашиот живот повторно ќе стане ваш! Ќе се почувствувате убаво доколку се обидете да ги живеете работите во моментот, а не за слика на Инстаграм.

4. Премногу се фокусирате на туѓите животи

Наместо да се грижите за тоа што прават другите луѓе, ќе се фокусирате на сопствениот живот. На тој начин ќе се посветите повеќе на сопствените цели.

5. Не сте продуктивни

Доколку правите подолги паузи од социјалните мрежи, ќе имате повеќе слободно време, а тоа значи и дека ќе бидете попродуктивни. Покрај тоа, вашиот ум нема да биде заматен од мислите на љубомора и грижа дека не давате сè од себе во она што го работите. Наместо тоа, ќе почнете да работите и ќе бидете мотивирани за новите предизвици.

извор: kafepauza.mk

Zanimljivosti

Новото истражување покажа дека мажите се почувствителни на болка од жените
Долго време, дебатата за перцепцијата на болката меѓу мажите и жените е предмет на проучување во областа на медицината и психологијата.
Збор на годината на „Речникот Колинс“ е: „brat“
Зборот што ја одбележа 2024 година, според англискиот „Речник Колинс“ е именката „brat“. Поимот, според Речникот, означува „самодоверба, независност и хедонистички став“, а доколку се користи за млади, именката се однесува на „неприспособлив, невоспитан, разгален“. Во буквален превод на македонски, овој збор значи: „детиште“.
Една од најсреќните земји во светот сега плаќа на луѓето да се преселат таму
Швајцарската влада ги повикува младите лица под 45 години да добијат 20.000 CHF (21.500 евра), плус дополнителни 10.000 CHF (10.800 евра) за секое дете, доколку се населат во алпското село Албинен.
Зошто лебот не треба да се чува во пластични кеси?
Многу луѓе сметаат дека пластичните кеси се практично решение за чување на остатоците од лебот, бидејќи тие помагаат да остане свеж. Сепак, ова не е најдобриот начин да се зачува квалитетот на лебот.
Цел живот погрешно играме „Монопол“: Дали ги знаете овие правила?
Класичната друштвена игра „Монопол“, за која често се мисли дека е бесконечна, всушност, има крај кој не вклучува само расправии околу улогата на банкарот или спорови околу „киријата“ по стапнувањето на туѓ имот. И покрај многуте тематски изданија, основните правила остануваат исти. Официјалните упатства опфаќаат сценарија, на пример, што да се прави кога банката ќе остане без пари и можноста за собирање пари во затвор.
Постојат ли езера без дно?
Езерата со импресивни длабочини или уникатни геолошки карактеристики честопати се погрешно претставени како „езера без дно“.