Wi-Fi 6E е најновата верзија на безжичен интернет, но повеќето корисници би можеле да останат без него поради недостаток на компоненти и еден ден веднаш да се префрлат на Wi-Fi 7.
Недостатоците влијаат на цели синџири на производи – од графички картички до Chromebook уреди и Wi-Fi рутери, што влијае на усвојувањето на новиот Wi-fi 6 стандард . Иако производите Wi-Fi 6E беа претставени уште во средината на 2021 година, тие или сè уште се недостапни или залихите се ограничени. Дури и компаниите кои обично први прифаќаат некои технологии доцнат и повеќе се заинтересирани за Wi-Fi 6 отколку за Wi-Fi 6E.
Wi-Fi 6 се концентрира на објекти каде што циркулацијата на луѓе е поинтензивна (на пример, колеџи, болници, големи малопродажни објекти), бидејќи ги решава проблемите со преоптоварениот проток. Доаѓа до 9,6 гигабити во секунда, што е прилично брзо, но потенцијалот од 40 гигабити може да отвори врата што денес не можеме ни да ја замислиме – да речеме дека создава услови за уште повеќе безжични уреди со интернет конекција, што би функционирало исто како и оние со кабелско поврзување.
Следната генерација – Wi-Fi 7, е нешто што треба да ги воодушеви сите оние кои копнеат за супербрз интернет. Според демонстрациите спроведени од MediaTek, седмата генерација може да се пофали со многу поголеми брзини, а Wi-Fi алијансата тврди дека се работи за 40 гигабити во секунда. Затоа, корисниците би можеле да го прескокнат Wi-Fi 6E и веднаш да се префрлат на бројот седум.
