Некои компании го скратуваат времето на состаноци на само 15 минути со испраќање повеќе информации однапред, намалување на присуството и користење софтвер за подобро организирање на комуникацијата.
Намалувањето на должината на состаноците помага да се намали „прегорувањето“ и да се зголеми ангажманот.
„Еј, може ли да имаме пократок, но поефикасен состанок?“ Тоа прашање често им го поставуваат експертите на своите клиенти.
Џим раководи со Prezi, унгарска компанија, но со софтверски канцеларии со седиште во Сан Франциско. Нивната технологија им овозможува на клиентите да визуелизираат и анимираат во видео презентации и состаноци.
Клиентите се повеќе бараат совет како да го намалат времетраењето на состаноците во живо, на само 15 минути, рече тој, зборувајќи преку видео повик.
- Она што сакаат да го направат е да ја зголемат поврзаноста меѓу вработените, да добијат подобра продуктивност на тие состаноци и да се обидат да ги намалат овие проблеми со согорувањето кои се влошени со користењето на Зум - истакна Шафрански и сподели неколку совети.
Овие совети се за подготовка на информации однапред, за договарање на време на состанок што одговара на секој учесник, а еден начин да го направите тоа е лицето што го води состанокот да сними кратко видео за да ја објасни суштината на состанокот и одлуките што треба да се донесат.
Клиентите на оваа компанија не се сами во „проблемот“. Имено, околу 67% од директорите кои биле анкетирани изјавиле дека поминуваат премногу време на состаноци, а тоа им е пречка за работа.
Во меѓувреме, студијата на Мајкрософт за мозочните бранови покажа дека получасовните последователни состаноци го зголемуваат стресот кај учесниците, и затоа компанијата намалила времетраењето на состаноците.
