Турскиот претседател Реџеп Таип Ердоган на социјалните мрежи сподели видео од тест возењето на локалниот електричен автомобил Togg.
Тој, на 6 август го посети полигонот во провинцијата Коџаели, каде седна зад воланот на прототипот на турскиот електричен автомобил.
Подготовките за масовно производство на Togg се очекува да завршат до 29 октомври оваа година.
Сериското производство ќе започне од крајот на оваа година, а првите сериски електрични автомобили од сегментот SUV (C) ќе се појават на пазарот веќе во првиот квартал на 2023 година. Потоа следува производството на седан (C) и хечбек електрични автомобили (C).
До 2030 година се планира производството на турски електрични автомобили да достигне 1 милион единици годишно.
