Научниците од Универзитетот Шефилд и Ворвик изгледа го нашле одговорот на прашањето на сите прашања: што е постаро, кокошката или јајцето, пишува британски Дејли Меил.
На најчесто поставуваното прашање од почетокот на светот, повеќето луѓе одговараат со „јајце“, со образложение дека диносаурусите се родени така.
Сепак, научниците од Универзитетот Шефилд и Ворвик имаат поинаков одговор.
Нивното истражување, имено, покажа дека лушпата на јајцето на кокошката може да се формира само од протеин кој се произведува во јајниците на кокошката, што значи дека кокошката морала да постои пред јајцето.
Протеинот, објаснуваат научниците, се нарекува OC-17 и делува како катализатор кој го забрзува развојот на лушпата, а потребна е тврда лушпа за заштита на жолчките во кои се развиваат кокошките.
Научниците го користеле суперкомпјутерот HECToR во своето истражување за да можат да зумираат во внатрешноста на јајцето и да го следат неговиот развој.
Она што тие го открија е дека протеинот OC-17 е клучен за стимулирање на кристализацијата во раните фази на развојот на обвивката преку конвертирање на калциум карбонат во калцитни кристали кои формираат школка.
Кристалите на калцит може да се најдат во коските и лушпите на различни животни, но кај кокошките тој се формира побрзо од кој било друг вид и произведува шест грама лушпа за 24 часа.
