Поради растот на инфлацијата и зголемувањето на каматните стапки, сите фактори за пад на цените на пазарот на недвижности ги има, но пазарот сепак реагира поинаку. Поскапуваат станбените кредити, поскапуваат ратите. Во исто време градежништвото стагнира, што треба да се одрази и на цената во иста насока, но и покрај се, квадрат на српскиот пазар на недвижности не само што не е поевтин, туку и поскап, и тоа сосема малку.
Зголемената инфлација веќе се одрази на странските пазари на недвижности, а оние во САД, Германија и Велика Британија полека се ладат. Во овие земји цената на метар квадратен, ако не паднала, стагнирала. Во Србија, во исто време, има поинаков тренд, а според експертите тешко е да се очекува пресврт, имајќи предвид дека побарувачката за станови се уште постои.
Според локалните експерти, стагнацијата на пазарот и падот на цената на квадратите, како што стојат работите во моментов, нема да се случи толку брзо.
- Сегашното поскапување е процес кој многу тешко се запира. Според некои проценки, пазарот би можел да се стабилизира следната година. Она што е сигурно е дека ќе има пад на вредноста на пазарот на недвижности. Ова се случува и на другите пазари, а најдобар пример е падот на вредноста на горивото, изјавил за Блиц Бизнис проценителот и експерт за недвижности Милиќ Ѓоковиќ.
Уште еден податок кој влијае на одржувањето на цената на метар квадратен е податокот дека досега во Србија се регистрирани 17.600 Руси и Украинци со дозволен престој. Според податоците на Агенцијата за економски регистри, во изминатите седум месеци е регистрирано основање на повеќе од 2.000 руски фирми, а тоа се токму луѓето кои доколку не издаваат станови, тогаш ги купуваат.
Само во текот на септември цената на метар квадратен во одредени белградски општини, како Нови Белград или Миријијево, скокнала и до 120 евра, а во Нови Сад во просек за околу 100.
Гледајќи ја просечната цена на недвижностите во Белград од август до септември, таа се зголемила за 80 евра. Така, со просечна цена од 3.080 евра за метар квадратен, главниот град и натаму води по цените на становите. Најголемо зголемување на капиталот за еден месец е забележано во општина Нови Белград, за 111 евра, со што вкупната цена на метар квадратен е 2.523 евра, како трета најскапа локација во Белград.
Целиот текст е на Faktor.mk
