Германската царина започна со дводневна акција за контрола на работата на црно и исплата под законскиот минималец.
„Во акцијата учествуваат 6.000 службеници, а главната цел е утврдување на бројот на работници кои примаат саатница помала од законскиот минималец од 8,84 евра“, се вели во соопштението на Сојузната царинска управа во Потсдам.
Како што се наведува, во дел од земјата ќе има засилена контрола врз секторите кои се најмногу подложни кон прекршување во подрачјето на исплата на минималните примања, меѓу кои угостителството, градежништвото, шпедицијата, преработувачката индустрија за месо и претпријатијата што пружаат услуги за чистење на објекти.
Истовремено ќе се спроведува контрола против илегалните вработувања. Според информациите на министерството за финансии во земјата, Германија годишно поради илегалните вработувања губи приходи во висина од околу милијарда евра.
vesnik.com
vesnik.com
