Ќерката на Еминем Алаина работи во козметички салон: Не сакала да се потпира на парите на својот татко.
Посвоената ќерка на американскиот рапер Еминем (50), Алаина Скот (30) работи во салон за убавина, иако богатството на нејзиниот татко се проценува на 260 милиони долари, дознава „Сан“.
Според веб-страницата на салонот, Алаина има одлични критики, но таа не зборува за бизнисот на социјалните мрежи, каде има над сто илјади следбеници.
Алаина е единствената во семејството на Еминем која завршила факултет, а сега прави различни третмани во салонот. И покрај големото богатство, таа секогаш сакала да заработува сама. Претходно работела како рецепционер.
– Планирам да одам на училиште за козметологија, тоа трае само четири месеци – неодамна ѝ кажала на својата сестра Хејли Џејд во подкаст.
Да потсетиме дека ќерката на Еминем неодамна се омажи за нејзиниот партнер Мет Молер, 18 месеци откако ја објавија свршувачката.
Инаку, Алаина е биолошка ќерка на поранешната снаа на Еминем, Зора – близначка на неговата поранешна сопруга Ким (40), но раперот ја посвоил во 2002 година поради проблеми со зависноста.
Извор: info.mk
