Кружните текови се создадени за поефикасно и побезбедно возење, а особено се популарни во Европа.
Но, дали знаете која земја има најмногу од нив?
Според статистиката на веб-страницата „Discover Cars“, врз основа на мапите што ги нуди OpenStreetMap, направена е класификација по вкупниот број на кружни текови, како и по милион жители.
Земјите со површина помала од 10.000 квадратни километри се исклучени.
Истражувањето ја потврдува надмоќта на земјата која веќе беше на врвот на класификацијата во слични анализи – Франција.
Таму на целата територија се избројани 42.986 кружни текови. Тоа значи 666,8 кружни текови на милион жители, што повторно е највисок индекс.
Подиумот на водечките во кружни текови го комплетираат Велика Британија (25.976) и Италија (18.172). Четвртото место е резервирано за Шпанија, со вкупно 15.053 кружни текови.
Првата неевропска земја на листата е Бразил, на петтото место. Оваа јужноамериканска земја има 11.854 кружни текови или 54,8 кружни текови на милион жители.
По Франција, Португалија е земја со најголем број кружни текови по жител.
Таму има 4.851 кружен тек, што значи дека ги има 473,4 на милион жители, па тие се пред Норвешка (427,1), Исланд (421) и Ирска (385).
