Воведувањето на месечен билет од 49 евра го направи патувањето со локален и меѓуградски превоз подостапно во Германија. Но, сега има новина што ги изненадува сите, билетите за воз сега се достапни за само неверојатни 3 евра.
Билетот од 49 евра им овозможува на патниците да ги користат сите средства за јавен превоз за фиксна месечна цена - што е атрактивна опција особено за редовните патници. Но, за оние кои го користат возот само повремено, сега постои евтина алтернатива достапна за речиси секој паричник.
Како што пишуваат германските медиуми, FlixTrain нуди билети за одбрани железнички рути по неверојатна цена од 3 евра.
Ова се дел од големиот број рути за три евра:
Од Хамбург до Бремен, од Келн до Ахен или можеби од Франкфурт до Фулда – списокот е импресивно долг.
FlixTrain се појавува како сериозен конкурент на Deutsche Bahn и им овозможува на патниците да искусат избрани кратки рути по непобедлива цена од 3 евра.
Резервација на седиште е вклучено во цената
Овие евтини билети ќе бидат достапни од 10 декември, бидејќи тогаш стапува на сила новиот зимски возен ред.
Позитивното во ова е што седиштето е веќе вклучено во билетот. За оние кои сакаат дополнителна удобност, постои можност за обезбедување на индивидуално седиште по ваш избор за мала надокнада од 2,99 евра.
Продажбата на билетите започна, а бројот на слободни места е ограничен. Затоа брзо обезбедете го вашиот билет!
