Карактеристично е што луѓето со оваа крвна група имаат преактивен имунолошки систем, издржливи органи за варење и многу киселина во желудникот. Ова им помага ефикасно да ги искористат повеќето хранливи материи од месото, на што треба да се заснова нивната исхрана.
Сигурно сте слушнале за диетата со крвна група, која е популарна од 1996 година. Таа е „скроена“ да одговара на внатрешното функционирање на телото, а го дизајнирал лекарот натуропат, д-р Питер Д’Адамо, кој верува дека јадењето според одредена крвна група може да го подобри здравјето.
Луѓето со нулта крвна група се повеќе склони кон некои болести како што се чиреви, дисфункција на тироидната жлезда, ниско ниво на тироидни хормони и недостаток на јод. Овие дисфункции можат да предизвикаат несакани последици како што се: прекумерна телесна тежина и задржување на вода.
Интересно е што за време на интервју за работа во Јапонија, потенцијалните вработени често се прашуваат која е нивната крвна група. Луѓето со крвна група 0 се опишани како одговорни, посветени, организирани, совесни и практични луѓе.
Кога се под стрес, тие можат да станат лути, хиперактивни и импулсивни. Лошата исхрана, недостатокот на вежбање и нездравите навики и склоноста кон стрес ги прават поподложни на штетни метаболички процеси, како што се отпорност на инсулин, слаба активност на тироидната жлезда и дебелина.
Исто така, луѓето со оваа крвна група имаат повисоко ниво на желудочна киселина од другите крвни групи, поради што често имаат чувствителен стомак, а се повеќе склони кон чир на желудникот.
Тие треба да избегнуваат кофеин и алкохол, а кофеинот може да биде особено штетен бидејќи го зголемува нивото на адреналин, кое е веќе високо кај луѓето со оваа крвна група, пишува „American Journal of Clinical Nutrition“.
