Сакате да го намалите ризикот од развој на хронични болести и да живеете подолго додека и помагате на планетата?
Јадете храна од растителна основа, велат експертите. Но, тоа не значи дека можете да ја наполните чинијата со помфрит, замрзната пица од зеленчук, крофни и други десерти.
Таквата ултра-обработена веганска храна не е без ризици, предупреди диететичарот Дуан Мелор.
„Само затоа што нешто е означено како растително, не значи дека е здраво. Многу храна која не содржи производи од животинско потекло, вклучувајќи бисквити, чипс, слатки и безалкохолни пијалоци, технички се на растителна основа, но не се сметаат за дел од здрава исхрана“, тој рече.
Уште повеќе, јадењето брза храна од растителна основа драматично го зголемува лошиот холестерол и хипертензијата и може да доведе до поврзани срцеви заболувања и рана смрт, според новата студија што авторите ја нарекуваат „прва“ која покажа дека ултра преработената храна од растителна основа е поврзана со зголемен ризик од кардиоваскуларни болести.
Потрошувачката на растителни производи може да биде корисна, да делува како заштита од здравствени проблеми или може да претставува ризик – се зависи од степенот на преработка на таа храна, вели една од авторките на студијата, Рената Леви, истражувач на Универзитетот во Сао Паоло во Бразил.
Ултра-обработената храна е подложена на повеќе индустриски процеси, а на неа се додаваат средства кои влијаат на промената на бојата, мирисот, вкусот и текстурата.
Храната од оваа категорија е формулирана да биде исклучително вкусна за човечкото непце и често е исклучително удобна и бара малку или никакво време за подготовка.
„Адитиви и индустриски загадувачи присутни во оваа храна може да предизвикаат оксидативен стрес и воспаление и дополнително да ги влошат постоечките ризици“, додаде вториот автор на студијата, Фернанда Раубер.
Според истражувањата, ултра преработената растителна храна го зголемува ризикот од кардиоваскуларни болести за 5%, а ризикот од рана смрт за 13%. Заклучокот на истражувачите, објавен во списанието „The Lancet Regional Health – Europe“, гласи: „Јадете свежи и замрзнати минимално обработени растенија“.
